Hrodzienskaja DAI praciahvaje vykładvać u internet roliki parušeńniaŭ praviłaŭ darožnaha ruchu, zroblenyja z dapamohaj videarehistratara ŭ časie rejdaŭ.
Debiutnym rolikam, nahadajem, było videa pahoni za BMW, u jakim jechali 8 čałaviek. Hetym razam byli apublikavanyja videa, zroblenyja ŭ Smarhonskim rajonie pablizu vioski Bajarsk. U pieršym vypadku 5 červienia hetaha hoda daišniki dahaniali skuter, na jakim jechali maładyja ludzi biez šlemaŭ. Jany pryjechali ŭ Bajarsk na dyskateku ź Minskaj vobłaści. Kiroŭca byŭ pjany, paśviedčańnia nie mieŭ.
Druhi rolik raskazvaje pra padziei 19 červienia: pahonia pa palavoj darozie za matacykłam, na jakim jechaŭ małady čałaviek i dźvie dziaŭčyny. Heta taksama byli hości ź Minščyny, usie troje niećviarozyja. U abodvuch vypadkach sprava adbyvałasia nočču.
Pahonia za skuteram 5 červienia 2011 h. Videa gaigrodno.by.
Pahonia za matacykłam 19 červienia 2011 h. Videa gaigrodno.by.
