Abrynułasia vieža «čornaha zamka Alšanskaha»+ fota 10

Jak stała viadoma, 1 žniŭnia častkova razburyłasia najbolšaja vieža zamka XVI st. u Kamiancy-Padolskim va Ukrainie.

Adbyłosia heta paśla mocnych daždžoŭ. Aproč zalevy, pryčynaj abrynańnia ściany nazyvajuć i pamyłku restaŭrataraŭ: padčas adnaŭleńnia viežy u mur byli ŭmantavanyja vodaadvody. I, mahčyma, vada dzieści prasočvałasia ŭ toŭšču ściany, pastupova razburajučy jaje.

Na adbudovu fartecyi spatrebiacca try miesiacy i 1 młn hryvień (kala $125 tys.), adznačajuć śpiecyjalisty.

«Novaja» abo «Vialikaja» vieža, najbolšaja ŭ Kamianieckim zamku. Jana była prybudavanaja na źniešnim baku zamka ŭ 1544 hodzie pavodle apošniaha słova tahačasnaj fartyfikacyi. Mahutnyja mury, adnak, nie ratavali zamak ad zachopaŭ: u kancy XVII st. Kamianiec-Padolski zvajavali turki i trymali 27 hadoŭ.

Siońnia zamak — turystyčny dyjamient Ukrainy. Na jaho restaŭracyju ŭ 2003—2007 hh. było vydatkavana 1,2 młn hryvień, paviedamlaje «Kamiersant-Ukraina»

Malaŭničyja krajavidy Kamianca-Padolskaha pryvablivali kinarežysioraŭ. U zamku i jaho navakollach było źniata niekalki dziasiatkaŭ histaryčnych filmaŭ. Siarod ich — «Čorny zamak Alšanski» pavodle ramana Uładzimira Karatkieviča.

0

0

0

0

0

0

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH