Staličnyja ŭłady ščylna zanialisia viełasipiednym rucham. Možna tolki vitać prapanovy, zaćvierdžanyja Minskaj haradskoj kamisijaj pa biaśpiecy darožnaha ruchu. Niekatoryja z hetych idej, pry ich naležnaj realizacyi, padymuć rejtynh stalicy Biełarusi jak horada, prydatnaha da jazdy na viełasipiedach.
U pryvatnaści, da 1 kastryčnika 2011 hoda pavinny być źnižanyja bardziury na praśpiekcie Niezaležnaści ŭ miescach, dzie maje prachodzić budučaja vieładarožka.Za nastupnyja dva tydni paśla vykanańnia hetaj zadačy DAI musić «ustanavić techničnyja srodki arhanizacyi darožnaha ruchu». Inšymi słovami, nanieści na asfalt raźmietku i pastavić adpaviednyja znaki.
Aproč taho, na isnujučych aŭtastajankach, a taksama kala kramaŭ i handlovych centraŭ buduć vydzielenyja śpiecyjalnyja miescy dla zachoŭvańnia viełasipiedaŭ.
Ale skandał moža vyklikać punkt 11.3 pryniataj kancepcyi.
U im miarkujecca… «prapracavać metazhodnaść i techničnuju mahčymaść ukaranieńnia sistemy źbirańnia płaty za karystańnie vieładarožkami».Atrymlivajecca, u Minsku mohuć źjavicca pieršyja płatnyja darohi — dla viełasipiedystaŭ. Uviadzieńnie takoha pałažeńnia mała taho što technična niemahčyma realizavać, dyk jašče i zvodzić na ništo ŭsie zachady pa prapahandzie viełasipiednaha ruchu.
0
0
0
0
0
0