Ministerstva zamiežnych spravaŭ Čechii abviarhaje čutki ab pieradačy bankaŭskaj infarmacyi ab biełaruskich apazycyjnych palitykach i hramadzkich aktyvistach Biełarusi.
Dyrektar eŭrapiejskaha departamentu MZS Čechii Jarasłaŭ Kurfiurst u efiry českaha radyjo zajaviŭ:
«Viadoma, my čuli hetuju infarmacyju i nieadkładna pačali pravierku jaje dakładnaści.
Źviazaŭšysia z usimi mahčymymi českimi dziaržaŭnymi orhanami (Ministerstvam justycyi i inšymi), my nia vyjavili nivodnaha vypadku, kab Čechija pieradałajakuju-niebudź infarmacyju ab biełaruskaj apazycyi i ich bankaŭskija rachunki biełaruskamu režymu».
Jarasłaŭ Kurfiurst dadaŭ, što ličyć padobnyja zapyty biełaruskaha boku parušeńniem mižnarodnych damoŭlenaściaŭ, jakija «stvoranyja dla inšych metaŭ» i «jašče bolš addalaje režym Łukašenki ad cyvilizavanaha śvietu».
Raniej kiraŭnik Mižnarodnaha centru hramadzianskich inicyjatyvaŭ «Naš Dom» Volha Karač paviedamlała «Eŭraradyjo», što biełaruski bok pytaŭsia ŭ českich kaleh ab rachunkach arhanizacyi. Krynica ŭ Prazie zapeŭniła, što na «Naš Dom» nijakaj surjoznaj infarmacyi Biełarusi nie pieradavali.
