Tym časam śpiektakli Teatru junaha hledača prachodziać na scenie Domu litaratara — u budynku, jaki raniej naležaŭ Sajuzu piśmieńnikaŭ, a paśla byŭ zachopleny administracyjaj prezidenta. «Budynak teatru pa vuł. Enhielsa zakryli na ramont u 2009 h. Architekturny prajekt rekanstrukcyi prajšoŭ ekśpiertyzu. Pieršapačatkova płanavałasia vydatkavać 100 młrd rub. Potym biudžet skaracili da 60 młrd. Urešcie kaštarys rekanstrukcyi zrezali da 37,5 młrd rub.», — apaviadaje dyrektar teatru Juryj Kulik. Ale hrošy Leninskamu kiraŭnictvu kapitalnaha budaŭnictva (arhanizacyi, što adkazvaje za rekanstrukcyju) hetak i nie pastupili. Takim čynam,
pracy adkładajucca jašče na dva hady — da 2013 h.
Pracaŭniki teatru źviartajuć uvahu na toje, što ramontu tut nie było z 1956 h. Za hety čas sastareli truby, pravodka, praciakaje dach — tut stała niebiaśpiečna zastavacca. Šmat što zaležyć ad taho, jakim budzie novaje abstalavańnie.
«Źbiralisia nabyvać kitajskaje, bo jano tańniejšaje.Tym časam italjanskaje bolš jakasnaje i moža prasłužyć u piać razoŭ daŭžej, ale ciapier imknucca na ŭsim zekanomić», — havorać u teatry.
Biełaruski respublikanski teatr junaha hledača maje bolš jak paŭviekavuju historyju. Pieršy TIUH byŭ adkryty ŭ Miensku ŭ 1931 h. i praisnavaŭ da lipienia 1941 h. U 1956 h. Biełaruski TIUH rasčyniŭ svaje dźviery znoŭ, a ŭ 2006 h. adznačałasia jahonaje
