Prem'jer-ministr Rasii Uładzimir Pucin dapuskaje mahčymaść intehracyi Mytnaha sajuza Biełarusi, Kazachstana i Rasii ŭ jeŭrapiejskuju prastoru.
«Chto skazaŭ, što Mytny sajuz nie pavinien intehravacca ŭ ahulnajeŭrapiejskuju ekanamičnuju prastoru?.. Adno adnamu nie supiarečyć», — zajaviŭ Pucin, vystupajučy 16 vieraśnia na mižnarodnym inviestycyjnym forumie
Kažučy pra mahčymaści dałučeńnia Ukrainy da jeŭrazony ŭ siońniašnich umovach, Pucin vykazaŭ mierkavańnie, što heta nierealna.
«Ja ź ciažkaściu mahu sabie ŭjavić, što ŭ hetych (kryzisnych) umovach Ukraina budzie dałučacca da Jeŭrasajuza.Heta absalutna nierealnyja rečy. Jak stratehija hety vybar, viadoma, mahčymy», — skazaŭ jon.
Rasijski premjer upeŭnieny, što dałučeńnie Ukrainy da Mytnaha sajuza było b dla jaje bolš vyhadnym. «Što bolš vyhadna, pavinny vyznačyć našy ŭkrainskija siabry i kalehi: imknucca ŭ jeŭrazonu abo vykarystoŭvać najaŭnyja kankurentnyja pieravahi, źviazanyja ź vielizarnaj kaapieracyjaj pamiž cełymi halinami ekanomiki Ukrainy i Rasii. Vykarystać pieravahi ŭ śfiery adzinaha transpartu, enierhietycy, vykarystać pieravahi mientalnaha, kulturałahičnaha charaktaru, vykarystać pieravahi adsutnaści moŭnych barjeraŭ», — zaznačyŭ Pucin.
Pavodle jaho słoŭ, «heta vialiki płast faktaraŭ, jaki, biezumoŭna, zabiaśpiečvaŭ by bolšuju kankurentazdolnaść ukrainskaj, dyj rasijskaj, i ŭsich inšych udzielnikaŭ Mytnaha sajuza ekanomik».
«Mierkavańni, jakija havorać, što treba ruchacca ŭ inšy bok, chutčej nosiać hetki