delfi.lt
U lehiendarnaha baskietbalista Arvidasa Sabonisa, jaki apynuŭsia ŭ reanimacyi kliniki Kaŭnasa paśla tavaryskaha matču, dyjahnastavany infarkt mijakardu, ad jakoha ŭ Litvie štodnia pamirajuć 4-5 čałaviek.
Pradstaŭniki Kaŭnaskaj kliniki skazali, što jaho stan stabilny, i chutka Sabonis pieraviaduć z adździaleńnia intensiŭnaj terapii ŭ zvyčajnaje adździaleńnie.
«Dla nas jak lekaraŭ-kardyjołahaŭ heta zvyčajnaja kliničnaja situacyja, kali čałaviek zachvorvaje vostrym infarktam mijakardu. Jon pryjechaŭ u zvyčajnym stanie hetaj chvaroby», - skazaŭ kiraŭnik Kaŭnaskaj kardyjałahičnaj kliniki Remihijus Žalunas.
Taksama miedyk paćvierdziŭ, što Sabonisu chvaroba nie sapsavała nastroj.
«Heta narmalnaja reakcyja čałavieka na toje, što adbyłosia. Napeŭna, spačatku čałaviek nie choča pryznać taho, što adbyłosia. Ciapier jon abjektyŭna aceńvaje kliničnuju situacyju. Ja liču, što zroblena ŭsio, što robicca va ŭsim śviecie, kali čałaviek svoječasova traplaje ŭ lačebnuju ŭstanovu, kali pracujuć lekary vyšejšaj kvalifikacyi. Ciapier stan jaho zdaroŭja dobraje», - skazaŭ Žalunas.
U sieradu ranicaj lehiendarny baskietbalist ŭ pałacie adździaleńnia intensiŭnaj terapii Kaŭnaskaj kliniki skazaŭ: «Pieradajcie ŭsim dobruju viestku, što ja jašče budu žyć».
Miedyki skazali, što bolš padrabiaznuju infarmacyju ab stanie zdaroŭja Sabonis nie mohuć pradastavić hramadskaści pavodle žadańnia samoha baskietbalista
