Rasijskija pasiaredniki «dušać» biełaruskija sanatoryi ŭ internecie

Pradstaŭniki biełaruskaha turbiznesu skardziacca, što rasijskija pasiaredniki najmajuć chakieraŭ, kab uskładnić ich kantakty z klijentami praź internet.

Rasijskija firmy-pasiaredniki imknucca zrabić niemahčymym naŭprosty kantakt patencyjnych klijentaŭ z Rasii ź biełaruskimi zdraŭnicami.

Pra heta zajaviŭ na pres-kanfierencyi dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Mikałaj Mazur.

— Da nas pastupiŭ zvarot ad žycharoŭ Sankt-Pieciarburha, jakija ciaham peŭnaha pieryjadu nie mahli znajści sajty biełaruskich sanatoryjaŭ, — rastłumačyŭ jon.- Ja ŭpeŭnieny, što heta chakiery tak zrabili, kab u klijentaŭ nie było dostupu.

Na jaho dumku, zroblena heta było na zamovu kampanij-pasiarednikaŭ, jakija zarablajuć skupkaj puciovak u biełaruskija sanatoryi i ich pieraprodažam rasijcam.

— Pucioŭka, nabytaja klijentam prosta ŭ azdaraŭlenčym ustanovy, abydziecca jamu na 200–300 dalaraŭ tańniej, — rastłumačyŭ Mikałaj Mazur. — Tamu pasiaredniki i najmajuć chakieraŭ, sprabujučy nas «zadušyć».

«Ej: Zdaroŭje» nie ŭdałosia znajści biełaruskaha sanatoryja, čyj sajt apošnim časam padvierhnuŭsia b chakierskamu napadu.

Jak tłumačać śpiecyjalisty, pasiaredniki chutčej za ŭsio prosta stali bolš aktyŭna karystacca pasłuhami SIEO-śpiecyjalistaŭ.

0

0

0

0

0

0

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH