Hiej-prajd prajšoŭ u minskim rabočym rajonie Šabany + videa 33
U šeści ŭziali udzieł kala 15 čałaviek.
16.55. Demanstranty vitali ściah apładysmientami i abjavili pra zaviaršeńnie akcyi. Udzielniki razychodziacca.
16.52. Aktyvisty zapuścili 20-mietrovy viasiołkavy ściah u nieba na balonikach .
16.50. Šeście praciahvajecca. Situacyja spakojnaja. «Ja liču, što pravodzić prajd na ŭskrainie horada nie soramna», — kamientuje Siarhiej Androsienka.
16.40. Kala 15 pradstaŭnikoŭ ŁHBT-supolnaści rušać šeściem pa vulicy Sialickaha ŭ Minsku. Heta rabočy rajon Šabany, kala zavoda žalezabietonnych vyrabaŭ. Siarod udzielnikaŭ hości z Ukrainy, Šviecyi, a taksama aktrysa «Svabodnaha teatra» Julija Šaŭčuk.
* * *
Siońnia, a 14-j hadziny pradstaŭniki biełaruskaj ŁHBT-supolnaści mierkavali pravieści ŭ Minsku hiej-prajd. Ci ŭdasca im realizavać svaje płany?
Sačycie za abnaŭleńniami na nn.by ŭ najbližejšy čas.
* * *
Nahadajem, Minharvykankam nie dazvoliŭ šeście Minskaha hiej-prajda, jaki mierkavałasia pravieści pa vulicy Akademika Krasina ŭ mikrarajonie Sosny.
Niahledziačy na toje, što zajaŭleny maršrut šeścia pralahaŭ daloka ad centra ŭ małaludnym miescy, haradskija ŭłady paličyli, što publičnuju akcyju ŁHBT-supolnaści varta zabaranić, bo praviadzieńnie mierapryjemstva płanavałasia na adlehłaści mienšaj za 50 mietraŭ ad terytoryi arhanizacyj, jakija zabiaśpiečvajuć žyćciadziejnaść nasielnictva.
Akramia taho, u vykankamie paličyli, što praviadzieńnie ŭkazanaha šeścia budzie stvarać pieraškody ruchu piešachodaŭ i navat ruchu transparta, paviedamlaje ŭ svaim pres-relizie na gaybelarus.by.