Biełaruskija ambasady ŭ mnohich krainach admaŭlajuć u vizach pradstaŭnikam mižnarodnych hramadskich i pravaabarončych arhanizacyj, jaki vykazali žadańnie patrapić na sud pa kryminalnaj spravie staršyni Pravaabarončaha centru «Viasna» Alesia Bialackaha.
Ambasada ŭ Paryžy admoviłasia vydać vizu prezidentu Mižnarodnaj fiederacyi pravoŭ čałavieka (FIDH) Suchajr Biełchasen, spasłaŭšysia na niepažadanaść jaje prysutnaści ŭ Minsku.
Piersonami non grata dla biełaruskich uładaŭ stali taksama kiraŭnica prahram prvaabarončaj arhanizacyi «Sivil Right Defenders» sa Šviecyi Mary Miensan, pravaabaroncy z Narviehii Ane Bonde i Dajve Pietkiavičute, jakija pradstaŭlajuć Fond Damoŭ pravoŭ čałavieka.
Biełaruskaja ambasada taksama admoviła ŭ vydačy vizy pradstaŭnicy Narviežskaha Chielsinskaha kamiteta Beryt Lindeman. Pry hetym napiaredadni joj paviedamili pa telefonie, što viza hatovaja i jaje možna zabrać u luby čas.
Akramia hetaha, tolki što stała viadoma ab admovie ŭ vizie pravaabaroncy Maryjanie Roča z Partnership for Human Rights (Bielhija), jakaja taksama źbirałasia padtrymać kalehu na sudzie.
