Biełaruskija kamunisty adznačać 7 listapada, hadavinu Kastryčnickaj revalucyi, uskładańniem kvietak da pomnika Leninu na płoščy Niezaležnaści ŭ Minsku.
Jak paviedamiŭ BiełaPAN adzin ź lidaraŭ Kamunistyčnaj partyi Biełarusi Ihar Karpienka, členy partyi majuć namier 7 listapada ŭskłaści kvietki da pomnika Leninu ŭ 10 hadzin ranicy.
U 11 hadzin kvietki da pomnika Leninu ŭskładuć členy apazicyjnaj Biełaruskaj partyi levych «Spraviadlivy śviet». Pavodle słoŭ namieśnika staršyni partyi Valeryja Uchnalova, śpiecyjalnaja zajaŭka na hetu akcyju nie padavałasia. «Uskładańnie kvietak da pomnikaŭ nijak nie rehłamientujecca dziejnym zakanadaŭstvam, tamu my majem prava pryjści i ŭskłaści kvietki biez usiakich zajavak», — skazaŭ Uchnaloŭ.
U hety ž dzień kvietki da pomnika Leninu ŭskładuć taksama aktyvisty respublikanskaha hramadskaha abjadnańnia «Za Sajuz i Kamunistyčnuju partyju Sajuza» (SKPS).
Jak paviedamiŭ BiełaPAN
«Hetym razam my vyrašyli nie padavać zajaŭku na tradycyjnaje šeście ad budynka prezidyuma akademii navuk na płošču Banhałor, pakolki ŭ nas ciapier niama mahčymaści dajści da ludziej ź infarmacyjaj pra hetu akcyju. Adnak my praviadziem uračysty schod, pryśviečany hadavinie Kastryčnickaj revalucyi», — skazaŭ Školnikaŭ.