Źmianšać biudžetnaje finansavańnie budaŭnictva AES u suviazi z zapłanavanym skaračeńniem emisijnaha kredytavańnia ekanomiki ŭ 2012 hodzie nie płanujecca. Pra heta zajaviŭ žurnalistam dyrektar dziaržustanovy «Dyrekcyja budaŭnictva atamnaj elektrastancyi» Michaił Filimonaŭ u Astraŭcy (Hrodzienskaja vobłaść) 10 listapada.
Pavodle jaho słoŭ, na budaŭnictva infrastruktury AES u nastupnym hodzie płanujecca nakiravać 230 młrd. rubloŭ. Ź ich 180 młrd. buduć vykarystany na stvareńnie vytvorčaj bazy stancyi, 50 młrd. — na žyllo.
U cełym usie padrychtoŭčyja raboty pa budaŭnictvie AES pačynajučy z 2007 hoda kaštavali dziaržavie 400–450 młrd. rubloŭ.
Rasijski kredyt, jaki Biełaruś płanuje pryciahnuć, pojdzie tolki na budaŭnictva stancyi, padkreśliŭ Filimonaŭ.
Kiraŭnik Astravieckaha rajvykankama Adam Kavalko paviedamiŭ, što praz
Ź inicyjatyvy Astravieckaha rajvykankama niekatoryja abjekty infrastruktury horada enierhietykaŭ płanujecca pabudavać za košt pryciahnieńnia inviestycyj kampanij. «Takim čynam my davoli surjozna razhruzim naš biudžet», — skazaŭ Kavalko.
Pavodle jaho słoŭ, havorka idzie najpierš pra abjekty sacyjalnaj skiravanaści i hramadskaha charčavańnia. Inviestary ŭžo znajšlisia. «Usie handlovyja drobnyja punkty, asabliva hramadskaha charčavańnia, užo raskupleny», — paviedamiŭ kiraŭnik rajvykankama.