Prezident Jiemiena Ali Abdułła Salech ŭviečary 23 listapada padpisaŭ pakiet dakumientaŭ ab pieradačy ŭłady ŭ krainie časovamu ŭradu, paviedamlajuć infarmahienctvy sa spasyłkaj na miascovaje dziaržaŭnaje telebačańnie.
Płan, prapanavany arabskimi krainami Piersidskaha zaliva, praduhledžvaje pieradaču ŭłady
U abmien na admovu ad ułady Salechu abiacanaja niedatykalnaść i imunitet ad sudovaha pieraśledu.
Cyrymonija padpisańnia pahadnieńnia prajšła ŭ
Čakajecca, što paśla
pieradačy ŭłady Salech adpravicca na lačeńnie ŭ ZŠA. Jon maje patrebu ŭ pastajannym nazirańni z boku miedykaŭ paśla červienia biahučaha hoda, kali jaho ledź nie zabiła rakietaj, vypuščanaj apazicyjanierami pa prezidenckim pałacy.
Ad svajho kresła Salech byŭ vymušany admovicca pad ciskam mižnarodnaj supolnaści i miascovaj apazicyi, jakaja nie spyniała antyŭradavych vystupaŭ ź minułaj zimy.
Jemienski prezident niekalki razoŭ prymaŭ prapanovu pieradać uładu mirnym šlacham, ale zatym z roznymi adhavorkami niaźmienna admaŭlaŭsia. Heta pryviało da taho, što ŭ krainie pačałosia ŭzbrojenaje supraćstajańnie. Z adnaho boku vystupali viernyja kiraŭniku dziaržavy vojski, z druhoha — miascovyja plamiony, a taksama častka ŭzbrojenych siłaŭ, jakaja pierajšła na bok apazicyi.
Ali Abduła Salech znachodziŭsia va ŭładzie 33 hady. U ZŠA i Jeŭropie jaho ličyli adnym z hałoŭnych sajuźnikaŭ u rehijonie.
Jon staŭ užo čaćviortym dyktataram, jaki pazbaviŭsia ŭłady ŭ vyniku chvali paŭstańniaŭ, jakija achapili arabski śviet. Raniej z uładaj byli vymušanyja raźvitacca tuniski prezident Bien Ali, jaho jehipiecki kaleha Chośni Mubarak i livijski «darahi brat lider» Muamar Kadafi.