«Biełaruskaja čyhunka» na dźviarach svaich kas, raźmieščanych u centry horada, na praśpiekcie Niezaležnaści, 18, raźmieściła abjavu, u jakoj infarmuje klijentaŭ, što
z 26 śniežnia kasy zakryvajucca.Pryčyna - skančeńnie terminu damovy.
U ŽREA Leninskaha rajona, na jakoje spasyłajucca ŭ abjavie, kažuć, što inicyjatyva niepraciahu damovy zychodziła nie ad ich, a ź Minharvykankama. «U nas da ich nijakich pretenzij, arendnuju płatu ŭnosili zaŭsiody svoječasova, kasy ŭ centry horada ŭsim patrebnyja. Ale
pradpisańnie pryjšło z harvykankama», —adznačyli ŭ ŽREA.
U Minskim haradskim centry nieruchomaści tłumačać, što pamiaškańnie budzie vykarystoŭvacca inviestary Minskaha hadzińnikavaha zavodu.
Nahadajem, što ŭ kancy 2010 hoda šviejcarskaja kampanija «Frank Miuler» vykupiła 52% akcyj AAT «Minski hadzińnikavy zavod». Abjom inviestycyj u kapitał akcyjaniernaha tavarystva skłaŭ tady 36,5 miljarda rubloŭ.
