Takaja infarmacyja źmiaščajecca ŭ aficyjnym liście namieśnika ministra pa padatkach i zborach Eły Sialickaj na adras Biełaruskaj aŭtamabilnaj asacyjacyi.
Novaŭviadzieńnie praduhledžana raspracavanymi Ministerstvam finansaŭ źmienami va ŭkaz № 546 «Ab niekatorych pytańniach padatkaabkładańnia transpartnych srodkaŭ». Źmieny admieniać dziejny paradak vyznačeńnia padatkovaj bazy pa PDV. Kali siońnia padatkaabkładanaja baza ŭjaŭlaje saboj roźnicu pamiž canoj realizacyi i canoj nabyćcia aŭtamabila, to ŭžo z 1 studzienia 2012 h. PDV budzie raźličvacca z poŭnaj koštu inšamarki.
«Raniejšy paradak vyznačeńnia padatkovaj bazy PDV zachoŭvajecca pry realizacyi jurydyčnymi asobami i indyvidualnymi pradprymalnikami transpartnych srodkaŭ, nabytych imi tolki ŭ fizičnych asob na terytoryi Biełarusi», — adznačaje namieśnik ministra. Pryčym heta praviła budzie dziejničać dla aŭtamabilaŭ, nabytych u fizičnych asob jak da, tak i paśla 1 studzienia 2012 hoda, što dazvolić zachavać cikavaść aŭtadyleraŭ da raźvićcia schiemy
Jak paviedamlajecca ŭ liście, novy paradak vyznačeńnia padatkovaj bazy pa PDV budzie prymianiacca ŭ dačynieńni da transpartnych srodkaŭ, adhružanych kupcam z 1 studzienia 2012 hoda, niezaležna ad taho, kali hetyja aŭtamabili byli nabyty abo ŭviezienyja.