Usie dazvoły na ziamlu ŭ Biełarusi Alaksandr Łukašenka razhladaje asabista. Pra heta jon zajaviŭu intervju hałoŭnamu redaktaru radyjostancyi «Ruskaja słužba navin» (RSN) Siarhieju Darenku.
Frahmienty hutarki, jakaja adbyłasia ŭ Minsku 13 śniežnia, raźmieščany na sajcie RSN jašče da źjaŭleńnia intervju ŭ efiry (u 16.00 pa minskim časie).
«U nas hiektar sielhasuhodździaŭ niemahčyma ŭ krainie atrymać biez podpisu prezidenta. Nu, a pryjści da mianie za podpisam, nie kožny pojdzie, heta vielmi doŭha i inšaje, heta faktyčna zabaranialnaja funkcyja. Ale, kali heta vielmi treba dla krainy, asabliva dla inviestycyj i hetak dalej, my možam u pryvatnuju ŭłasnaść addać ziamlu. Ale na heta ŭrad unosić abhruntavańni prezidentu, prezident pavinien padpisać», — skazaŭ Alaksandr Łukašenka.
Jon zajaviŭ, što žachnuŭsia, ubačyŭšy pali Padmaskoŭja, zabudavanyja katedžami, kali lacieŭ z Uładzimiram Pucinym u bytnaść taho prezidentam z Maskvy ŭ rezidencyju ŭ Zavidavie.
«Heta byŭ dla mianie ŭrok. Sto kiłamietraŭ my lacieli i sto kiłamietraŭ ad Maskvy — pałacy.
Nie asabniaki, nie katedžy, a pałacy. Hladžu: les staić, a ŭ lesie dreŭ mienš, čym pałacaŭ.Jany, viadoma, umanciravali hetyja katedžy, asabniaki i pałacy ŭ les, ale tam dreŭ było mienš. I voś takoje žudasnaje ŭražańnie», — padzialiŭsia z Darenkam svaimi ŭražańniami ad ubačanaha biełaruski kiraŭnik.
Sam jon pamiataje «Padmaskoŭje savieckaje», jakoje «chleb davała, kapusty vielmi šmat vyroščvałasia, bulby, karmiła praktyčna Maskvu».«A zaraz u vas tam niama nivodnaha paletka», — kanstatavaŭ Łukašenka.