Kitaj ustalavaŭ na biełaruskaj mytni renthien

Kitaj pabudavaŭ u Biełarusi stacyjanarny inśpiekcyjna-nadhladny kompleks dla renthienaŭskaha skanavańnia aŭto, što pieramiaščajucca praz mytnuju miažu.

Dvuchbakovy akt ab pieradačy mytnym orhanam Biełarusi inśpiekcyjna-nadhladnaha kompleksu padpisali siońnia ŭ Minsku staršynia Dziaržaŭnaha mytnaha kamiteta Alaksandr Špileŭski i Časovy pavierany ŭ spravach Kitajskaj Narodnaj Respubliki ŭ Biełarusi Žeń Šy.

Budaŭnictva kompleksu viałosia ŭ adpaviednaści z kantraktam ab biazvypłatnaj dapamozie ŭrada KNR uradu Biełarusi. Kantrakt byŭ zaklučany 1 sakavika 2011 hoda pamiž DMK i kampanijaj Nuctech — adnym z suśvietnych lideraŭ u halinie raspracoŭki i vytvorčaści renthienaŭskich skanavalnych sistem.

Kompleks ustalavany ŭ punkcie propusku «Kazłovičy» Bresckaj mytni. Usie raboty pa prajekcie vykanany kitajskim bokam pad kluč. Na praciahu troch hadoŭ techničnaje absłuhoŭvańnie i ramont kompleksu buduć vykonvacca kitajskim bokam. Ahulny abjom biazvypłatnaj techničnaj dapamohi pa prajekcie skłaŭ kala $ 4 młn.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH