12 studzienia ŭ Dziaržaŭnym litaraturnym muziei Janki Kupały adbudziecca ŭračystaje adkryćcio jubilejnaha Kupałaŭskaha hoda, u ramkach jakoha adbudziecca prezientacyja ŭnikalnaha vydańnia — katałoha «Aŭtohrafy pieršaha narodnaha paeta Biełarusi Janki Kupały».
Kalekcyja rukapisaŭ pradstaŭlaje saboj unikalny ŭzor tvorčaj łabaratoryi vialikaha paeta i adnosicca da razradu ŭnikalnych kulturnych kaštoŭnaściej. Siarod ich jość sapraŭdnyja rarytety: rukapisny zbornik «Šlacham žyćcia» (raniej zachoŭvaŭsia ŭ Biełaruskim muziei ŭ Vilni), aŭtohrafy paem «Son na kurhanie», «Bandaroŭna», kamiedyi «Paŭlinka», rańnich vieršaŭ paeta na biełaruskaj i polskaj movach, asabistyja listy i zapisy.
Prezientacyja katałoha — pieršaje z cełaha šerahu znakavych mierapryjemstvaŭ, jakimi budzie paznačany jubilejny hod Pieśniara. Va ŭračystaj cyrymonii adkryćcia voźmuć udzieł Ministr kultury Pavieł Łatuška, staršynia Nacyjanalnaj kamisii Respubliki Biełaruś pa spravach JUNIESKA Uładzimir Ščasny, staršynia Mižnarodnaha fonda Janki Kupały Viačasłaŭ Rahojša, piśmieńniki, navukoŭcy, muziejnyja supracoŭniki.
