Łukašenka cicha źjechaŭ u Sočy na adpačynak i pieramovy 22

U Krasnaj Palanie, što pad Sočy, Łukašenka mieŭ sustreču ź Dźmitryjem Miadźviedzievym. Hetak i stała viadoma, što kiraŭnik krainy vyjechaŭšy.

Napiaredadni pra vizit ničoha nie paviedamlałasia.

Adnak pry kancy naviny ścipła adznačajecca: «Alaksandr Łukašenka spałučyć svajo znachodžańnie ŭ Sočy z karotkaterminovym adpačynkam».

Jak praviła, Łukašenka sychodzić u adpačynak niekalki razoŭ na hod, u zimovy i letni pieryjad.

Kab možna było i na łyžach pakatacca, i ŭ mory pakupacca.

U žniŭni jon užo adpačyvaŭ razam z Kolem u sočanskim sanatoryi «Biełaja Ruś».

Letaś Łukašenka taksama zajazdžaŭ u Sočy ŭ lutym, dzie ŭparta čakaŭ sustrečy z rasijskim kiraŭnictvam.

Ciapier mahčymaści dla adpačynku ŭ Łukašenki abmiežavanyja postsavieckaj prastoraj, arabskimi krainami dy Vieniesuełaj.

U čas ža karotkaha paciapleńnia adnosinaŭ z Zachadam jon paśpieŭ pakoŭzacca na łyžach u Sierbii, Šviejcaryi i Aŭstryi.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH