U sacyjalnych sietkach pačałasia kampanija padtrymki Sańnikava 6

Sacyjalnyja sietki pa inicyjatyvie namieśnicy staršyni «Maładoha frontu» Nasty Pałažanki i namieśnika kaardynatara «Havary praŭdu» Andreja Dźmitryjeva pačali kampaniju padtrymki Andreja Sańnikava.

Na pres-kanfierencyi 25 studzienia ŭ Minsku Iryna Chalip paviedamiła ab tym, što jašče 20 listapada 2011 hoda jaje muž eks-kandydat u prezidenty Andrej Sańnikaŭ napisaŭ prašeńnie ab pamiłavańni na imia Łukašenki. U zapiscy, jakuju jon pakazaŭ Irynie Chalip na spatkańni ŭ kałonii «Vićba-3», było napisana: «Havorka idzie ab vyratavańni žyćcia U luby momant mianie mohuć zabić».

Tamu namieśnica staršyni «Maładoha frontu» Anastasija Pałažanka i namieśnik kaardynatara «Havary praŭdu» Andrej Dźmitryjeŭ abviaścili ab pačatku kampanii salidarnaści ŭ sacyjalnych sietkach z Andrejem Sańnikavym i jaho siamjoj.

«Asabista dla mianie pa-čałaviečy zrazumieła, što napisać prašeńnie ab pamiłavańni Sańnikava vymusili niečałaviečyja abstaviny, stvoranyja jamu ŭ źniavoleńni. My taksama vydatna viedajem, praz što pryjšłosia prajści i jaho žoncy, Irynie, ich maleńkamu synu Daniku, pazbaŭlenym na doŭhi čas baćkoŭskaj łaski. Tamu ciapier

naš supolny abaviazak — nie maŭčać, nie zastavacca ŭ baku, a vykazać im svaju padtrymku,

pakazać praź jaje: dla nas i Andrej, i Iryna jak byli, tak i zastalisia mužnymi i hodnymi ludźmi Dałučajciesia», — kaža Anastasija Pałažanka.

«Jość padziei, na jakija nielha nie adreahavać. I sama reakcyja pakazvaje, chto my jość. Ci my ludzi «čarki i skvarki» ci biełarusy, jakija hanaracca svajoj krainaj i razumiejuć, što tak, jak jość, praciahvacca nie moža, što nam patrebnyja pieramieny, raźvićcio Heta nie prosta akcyja salidarnaści, heta demanstracyja. nami nielha manipulavać, my — razam «, — salidarny ź dziaŭčynaj Andrej Dźmitryjeŭ.

«Biełaruski partyzan»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH