«Ja poŭnaściu padtrymlivaju metanakiravanyja sankcyi Jeŭrasajuza ŭ dačynieńni da Biełarusi», — zajaviŭ
Jon taksama padkreśliŭ, što całkam padtrymlivaje rezalucyju i rekamiendacyi, pryniatyja PARIE 25 studzienia pavodle vynikaŭ abmierkavańnia situacyi ŭ Biełarusi.
Kamientujučy rekamiendacyi PARIE krainam — členam Rady Jeŭropy dałučycca da sankcyj ES u Biełarusi, Mińjon padkreśliŭ, što heta miera źjaŭlajecca vymušanaj.
«Nas nie čujuć, tamu treba prajaŭlać ćviordaść. Isny ŭ Biełarusi režym prajaŭlaje ćviordaść sa svajho boku i zusim nie žadaje ŭličvać toje, što jamu kažuć. Varta škadavańnia, što my vyjšli na taki etap», — dadaŭ novy staršynia asamblei.
Na jaho dumku, z boku Jeŭropy było zroblena ŭsio mahčymaje, kab naładzić adnosiny z aficyjnym Minskam.
Mińjon pryvioŭ u prykład svoj asabisty vopyt znosinaŭ z pradstaŭnikami biełaruskich uładaŭ. «Ja ŭ jakaści francuzskaha deputata sustrakaŭsia čatyry razy ź biełaruskim pasłom u Paryžy dla taho, kab abmierkavać pa sutnaści najaŭnyja pytańni.
Kali ich ź im abmiarkoŭvaješ, uźnikaje adčuvańnie, što ŭsio ŭ paradku, usio naładzicca, a potym adbyvajecca supraćlehłaje tamu, što nam havaryli. Usio heta aznačaje, što ŭ niejki momant treba skazać: stop, chopić»,— ličyć kiraŭnik PARIE.
Pry hetym jon adznačyŭ: PARIE zaŭsiody žadała, kab Biełaruś jaje «pačuła i dała pazityŭnyja sihnały, pakazała svaju dobruju volu i pazityŭna adreahavała na patrabavańni».
«I ja škaduju, što Biełaruś nie pačuła nas, i što siońnia my prosta vymušany zastavacca na našaj pazicyi, a mienavita — likvidavać status śpiecyjalnaha zaprošanaha dla biełaruskaha parłamienta i zamarozić lubyja kantakty ź Biełaruśsiu, pakul nie budzie vykanany chacia b minimum: uviadzieńnie maratoryja na śmiarotnuju karu», — zajaviŭ Mińjon.
Vyklikaje škadavańnie i toje, što «sam narod Biełarusi nie reahuje na takuju pazicyju adkatu i izalacyi». «Usie chočuć, kab Biełaruś da nas dałučyłasia. I my ličym, što zasłuhoŭvaje škadavańnia toj fakt, što
Jon źviarnuŭ uvahu na punkt pryniataj 25 studzienia rezalucyi, zhodna ź jakim krainy — členy RIE pavinny vykarystoŭvać usie ryčahi palityčnaha i dypłamatyčnaha ŭpłyvu, kab pierakanać Minsk u nieabchodnaści pryvieści nacyjanalnaje zakanadaŭstva ŭ adpaviednaść ź mižnarodnymi normami i standartami.
Zakranajučy prablemu palitźniavolenych, Mińjon zajaviŭ: «Nieabchodna pakłaści kaniec represijam u dačynieńni da palityčnych dziejačaŭ i vyzvalić tych, chto znachodzicca ŭ turmie. U pryniataj rezalucyi taksama havorycca ab našaj surjoznaj zakłapočanaści abychodžańniem z palitźniavolenymi. Akramia taho, my ličym nieabchodnym pačać rasśledavańnie pa ŭsich zajavach ab prymianieńni katavańniaŭ padčas ich aryštu i źniavoleńnia».
Adkazvajučy na pytańnie ab mahčymaści vizitu ŭ Biełaruś pradstaŭnikoŭ PASIE dla aznajamleńnia ź situacyjaj na miescy, Mińjon zaŭvažyŭ, što trapić u Biełaruś dla palitykaŭ ź Jeŭropy niaprosta.
«Atrymać vizu praktyčna niemahčyma. Kali nas nie chočuć zaprašać u Biełaruś, značyć, tam štości chavajuć,— vykazaŭ mierkavańnie kiraŭnik PARIE. — Va ŭsich krainach, jakija pryznany demakratyčnymi, dastatkova lohka atrymać vizu dla takich vizitaŭ. A atrymać vizu, kab pajechać u Biełaruś, praktyčna niemahčyma — prykładna jak palacieć na Miesiac».
I ŭsio ž
