«Spadar Vahanaŭ, moža chopić zajmacca demahohijaj?» vodhuk čytača. A što dumajecie Vy? 138

Kałumnist «Našaj Nivy» Siarhiej Vahanaŭ kinuŭ kamień u lidaraŭ partapazicyi i prafsajuznych bosaŭ. Jahony artykuł vyklikaŭ žyvuju dyskusiju na sajcie. Voś što piša jamu čytač Korzun.

«Spadar Vahanaŭ! Moža chopić zajmacca bałbatnioj i demahohijaj? Moža chopić u duchu savieckaj prapahandy zaklikać apazicyju da «dziejnaści i ciažkoj pracy ź ludźmi»?

Voś vy sami pajdzicie da prachadnoj Traktarnaha ci MAZa i pačnicie zaklikać da strajku ci stvareńnia stačkama.

Vas adrazu voźmuć za sr.ku adpaviednyja «orhany» i hetym usio skončycca. I vy heta viedajecie. Taksama jak viedajecie, što

nie chočuć rabočyja ŭdzielničać u anijakich strajkach ci stačkamach, što narod u Biełarusi NIE CHOČA, NIE HATOVY da ŭdziełu ŭ sapraŭdnych źmienach sacyjalna-palityčnych.

U Polščy takija źmieny adbylisia nie tamu, što źjaviŭsia hienijalny elektryk Valensa, a tamu, što hramadstva, nacyja była adpaviednym čynam nastrojenaja.

Žadańnie źmien u Polščy vyrasła nie ź niejkich namahańniaŭ apazicyi, a znutry, z samoj mientalnaści palakaŭ.

Apazicyja ŭžo tolko «aformiła» hety nastroj. A naša kvołaja apazicyja tolki častka kvołaha, niaščasnaha, zabitaha biełaruskaha hramadstva.

Prabačcie, ale

vašy zakliki da ŭsio toj ža «dziejnaści i ciažkaj pracy» z masami iduć prosta tamu, što Vam prosta treba štości pisać, a «NN» drukavać,

voś i pišacie hetuju bałbatniu i demahohiju — «nie ŭ stanie spałučyć» i h.d. Voś vy razam z «NN» i «spałučycie», pakažycie, jak heta robicca.

Akurat takaja pazicyja — heta pryvid žurnalistyki.

Apazicyja usio ž taki siadzić u turmach, ich łupiać i aryštoŭvajuć, u toj čas jak vy siedzicie va ŭtulnaj kvatery i zaklikajecie da «pracy ź ludźmi». Pisać demahahičnuju łuchtu — apošniaja sprava».

Korzun, z kamientaŭ na NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH