Prezydent Ukrainy Viktar Juščanka ŭkazam ad 3 sakavika zaćvierdziŭ plan mierapryjemstvaŭ pa padrychtoŭcy rabočaha vizytu prezydenta Biełarusi Alaksandra Łukašenki va Ukrainu.
Pieršapačatkova hety vizyt kiraŭniki dziaržavaŭ planavali na luty, ale potym jaho pieranieśli na sakavik.
Juščanka, miž inšaha, daručyŭ padrychtavać dla padpisańnia padčas vizytu Łukašenki piać dakumentaŭ: pahadnieńnie ab sproščanym paradku pierasiačeńnia biełaruskaj terytoryi rabotnikami i transpartnymi srodkami Čarnobylskaj AES; pratakoł ab źmianieńniach pahadnieńnia ab supracoŭnictvie ŭ halinie dziaržaŭnych vyprabavańniaŭ i achovy hatunkaŭ raślinaŭ; dahavor ab pieradačy asobaŭ, pryhavoranych da pazbaŭleńnia voli; memarandum ab supracoŭnictvie ŭ enerhietyčnaj sfery j konsulskuju kanvencyju.
Rabočy vizyt Łukašenki va Ukrainu, chutčej za ŭsio, u sakaviku adbudziecca, bo Juščanka daručyŭ ministerstvu zamiežnych spravaŭ Ukrainy padrychtavać da 30 sakavika spravazdaču ab hetym vizycie.
