Nacyjanalnaja zbornaja Biełarusi 10 krasavika na«Minsk-Arenie» pa bulitach prajhrała kamandzie Šviecyi ŭ matčy Jeŭrapiejskaha chakiejnaha vykliku — 3:4 (2:2, 1:0, 0:1, 0:0, 0:1).
U pieršym pieryjadzie pieravaha była ŭ haściej, jakija pierakidali haspadaroŭ (15:7), zakinuŭšy dźvie šajby. Biełarusy ž udała vykarystoŭvali svaje niešmatlikija momanty, što dazvoliła im pajści na pierapynak pry ničyjnym liku 2:2. U druhoj treci matču biełarusy pačali hulać bolš aktyŭna (12:6 pa kidkach), a šviedy źbilisia na vydaleńni, zarabiŭšy za pieryjad 12 chvilin štrafu. Adno z parušeńniaŭ skandynavaŭ na
U biełarusaŭ šajby zakinuli: Alaksandr Kułakoŭ (5.48, asistenty — Andrej Michaloŭ, Alaksandr Kitaraŭ), Andrej Staś (16.00, pas — Dźmitryj Korabaŭ), Siarhiej Drozd (26.38, 5×4, pas — Pavieł Čarnavok).
Zbornaja Biełarusi vystupała ŭ nastupnym składzie: Koval, Čarnavok — Stasienka, Michaloŭ- Kitaraŭ — Kułakoŭ; Hrabarenka — Korabaŭ, Kołasaŭ — Kavyršyn — Kalcoŭ; Haroška — Kaściučonak, Drozd — Staś — Mialeška; Šviedaŭ — Nahačoŭ, Paŭłovič — Dudko — Musijenka.
11 krasavika adbudziecca paŭtorny pajadynak.
U svaich pieršych matčach ciapierašniaha Jeŭrapiejskaha chakiejnaha vykliku biełarusy vyjhrali (3:2) i prajhrali (2:4) u haściach kamandzie Aŭstryi.