10 krasavika na pieršaj pałasie «Źviazdy» možna było pračytać sientencyju ministra Siarhieja Martynava nakont sankcyjaŭ:
«Palityka sankcyj, jakuju viadzie Jeŭrapiejski sajuz (tak, z małoj litary, u „Źviaździe“. — A. S.) u dačynieńni da Biełarusi, bieśpierśpiektyŭnaja. I nie tamu, što našaj krainie nie padabajecca palityka cisku i prymusu, a tamu, što jana źjaŭlajecca nieefiektyŭnaj».
U hetaj sentencyi mianie vielmi paciešyŭ druhi skaz. Nu choć by patłumačyŭ kali nie spadar ministr, dyk hałoŭny redaktar haziety paspalitamu čytaču, što Jeŭrapiejski Źviaz choča zmusić ułady Biełarusi pavažać elemientarnyja pravy i svabody čałavieka, zapisanyja ŭ Kanstytucyi Biełarusi, u tym liku prava ludziej na mirnyja schody i vykazvańni. I jašče choča Jeŭraźviaz zmusić ułady Biełarusi vyzvalić
Hałoŭny čynoŭnik Biełarusi spadziavaŭsia pavieści ź Jeŭropaj torh nakont vyzvaleńnia klučavych viaźniaŭ. Jon vyrašyŭ byŭ dziejničać pavodle scenaru 2008 hoda. Tady jamu ŭdaŭsia torh z vyzvaleńniem Alaksandra Kazulina.Mała taho, jon i jaho padnačalenyja navat zdoleli na peŭny čas pierakanać jeŭrapiejskich palitykaŭ, što ŭ Biełarusi mahčymaja libieralizacyja režymu.
U 2010 hodzie Jeŭropa znoŭ hatovaja była padmanucca ź libieralizacyjaj. U Miensku pikiety zborščykaŭ podpisaŭ pad nacyjanalnymi i partyjnymi ściahami, nikoha nie zatrymlivajuć, amal usich achvočych być kandydatami na pasadu prezidenta zarehistravali navat niezaležna ad taho, sabrali jany pa 100 tysiač podpisaŭ hramadzian ci nie, kandydaty ž u svaich vystupleńniach pa telebačańni i radyjo krytykujuć uładu… I navat siarod biełarusaŭ tolki ŭpartyja skieptyki i piesimisty žyli ŭ čakańni čarhovaj chvali represijaŭ i zakručvańnia hajek. I jany nie padmanulisia. A tut jašče vybuch u Mienskim mietrapalitenie…
Była niebiaśpieka, što paśla kryvavaj niadzieli 19 śniežnia 2010 hoda i masavych pasadak mienskija biurakraty znoŭ naviažuć Jeŭropie torh. Adnak jeŭrapiejskija palityki zrabili narešcie naležnyja vysnovy z padziej 2008 hoda. Mienskija ž čynoŭniki zabyli elemientarnuju iścinu: nielha dvojčy ŭvajści ŭ adnu i tuju raku.
Vyzvaleńnie Andreja Sańnikava — heta nie akt miłasernaści ŭ paschalnyja dni, heta vynik kali nie rašučaj, dyk davoli paśladoŭnaj palityki Jeŭraźviaza, jakuju jon viadzie paśla 19 śniežnia.
U tym, što vyzvaleny tolki adzin Andrej Sańnikaŭ, prahladvajecca spadziavańnie mienskaj biurakratyi ŭsio ž patarhavacca z Brusielem nakont inšych palitźniavolenych. Adnak biurakraty zabyvajuć, što
mała vyzvalić ludziejz-za krataŭ — ich treba reabilitavać, kab i Sańnikaŭ, i Statkievič, i Bialacki, i inšyja mahli paŭnacenna viarnucca ŭ palityku.
I mała,