Na Cimirazieva pabudujuć «muzyčny» dom — žyły kompleks «Čajkoŭski» 3

— Piotr Iljič Čajkoŭski — najvialikšy kampazitar u historyi muzyki, tvory jakoha nadzvyčaj važnyja dla suśvietnaj kultury. Dziakujučy svajoj unikalnaści i harmaničnaści jaho pracy viadomyja va ŭsim śviecie. My taksama imkniemsia daryć harmoniju i pryhažość. Mienavita tamu kompleks «Čajkoŭski» sprajektavany z ulikam architekturnaha stylu rajona i abiacaje padkreślić ŭsio jaho charastvo, — tak tłumačyć nazvu kompleksu zabudoŭščyk na svaim aficyjnym sajcie. — Jak kampazitar natchniona zapisvaje noty na čysty list, kab padaryć miru čaroŭnuju miełodyju, tak architektar układvaje ŭsiu dušu ŭ svoj tvoj, uviekaviečvajučy jaho z dapamohaj roznych budaŭničych materyjałaŭ.

Siarod pieravah «Čajkoŭskaha» nazyvajuć transpartnuju dastupnaść (niedaloka — stancyi mietro «Frunzienskaja» i «Maładziožnaja», bujnyja mahistrali horada), a taksama raźvituju infrastrukturu. Na nižnich pavierchach damoŭ raźmieściać kramy, pryjomny punkt pralni-chimčystki, apteku, adździaleńnie banka, sałon pryhažości. Pobač prakładuć biehavuju darožku, abstalujuć zonu dla zaniatkaŭ himnastykaj i pałasu pieraškod. Akramia taho, pabudujuć «multyparkinh» i STA.

Kompleks zojmie terytoryju ŭ 3 ha i budzie pradstaŭleny 2 žyłymi damami: 19-paviarchoŭkaj (zabudoŭščyk paraŭnoŭvaje jaje z «muzyčnym klučom») i domam, vykananym kaskadam (10, 13, 16, 19 pavierchaŭ). Jon, na dumku markietołahaŭ, «nahadvaje notki, jakija natchniona skačuć pa sšytku vialikaha kampazitara».

Pra terminy budaŭnictva i canu «kvadrata» ŭ kampanii pakul nie kažuć — infarmacyja źjavicca praź miesiac.

0

0

0

0

0

0

realt.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH