Tak vyhladaŭ banier «Biełsatu» ŭ Sarnach.
Unačy banier byŭ sarvany nieviadomymi.
Na hetym biłbordzie taksama była rekłama «Biełsatu».
Telekanał «Biełsat», jaki viadzie tranślacyju ŭ Biełarusi z polskaj terytoryi, 1 krasavika sioleta pačaŭ rekłamnuju kampaniju va Ukrainie, niepadalok pamiežnych pierachodaŭ na miažy ź Biełaruśsiu. U čatyroch miescach vyviesili vialikija baniery z vyjavaju budzilnika i łozunham «Abudzisia, Biełaruś».
Ź pieršaha dnia kampanii na miascovyja orhany ŭłady nieaficyjna akazvajecca cisk z boku Słužby biaśpieki Ukrainy.Meta dziejańniaŭ SBU — schilić orhany miascovaha samakiravańnia, kab źniać rekłamu abo chacia b źmianić deviz kampanii.
U noč z 12 na 13 traŭnia ŭ dvuch paŭnočnych haradach Ukrainy, Sarnach i Lubiašovie, nieviadomyja skrali baniery.Rekłamnaje ahienctva «SemoArt», jakoje ažyćciaŭlaje kampaniju, paviedamiła pra kradziež u milicyju. U inšych haradach taksama paŭstali prablemy z praviadzieńniem kampanii. U Damanavie baner musili ŭstalavać 1 traŭnia, ale haradskaja rada abmiarkuje pytańnie rekłamy «Biełsatu» tolki 17 traŭnia. Niahledziačy na toje, što raniej ułady vydali dazvoł na ŭstalavańnie rekłamnaha ščyta, miascovyja deputaty paddalisia cisku i ciapier buduć abmiarkoŭvać źmiest samoj rekłamy. Telefanavańnie z papiaredžańniami z SBU atrymała taksama dyrektarka nacyjanalnaha parku ŭ susiednim Lubiašovie, na terytoryi jakoha ŭstalavany rekłamny ščyt.
SBU ŭ Oŭručy źviartała ŭvahu haradskoj rady na palityčny pasył rekłamy, adnak deputaty na siesii pryniali arhumienty i tłumačeńni pradstaŭnikoŭ «Biełsatu».U Čarnihavie, dzie haradskaja rada taksama abmiarkoŭvała źmiest rekłamy, u apošni momant pierad ustalavańniem baniera miascovyja ŭłady zaniali rekłamny ščyt na hramadskija mety. Firmie «SemoArt» udałosia dabicca viartańnia nośbita ŭ rasparadžeńnie ahienctva z 1 červienia. Na siońnia rekłama «Biełsatu» ŭ hetym horadzie vyviešanaja ŭ inšym miescy.
Jak kaža Alaksandr Siemačka, uładalnik ukrainskaha rekłamnaha ahienctva, jakoje viadzie kampaniju,
cisk na miascovyja orhany ŭłady maje pieravažna vyhlad telefanavańniaŭ, a adkaznyja za ich pracaŭniki SBU, ź jakimi sprabavała źviazacca ahienctva, nie pryznajucca ŭjakich-kolviek dziejańniach, skiravanych suprać kampanii.
Dyrektarka «Biełsatu» Ahnieška
nie istotna, što napisana na rekłamnych ščytach. Tut reč u tym, što my — «Biełsat», —kaža jana. Inicyjatar kampanii Mateŭš Adamski z «Biełsatu» dadaje:
«Składvajecca ŭražańnie, što niefarmalny cisk z boku ŭkrainskich śpiecsłužbaŭ maje svaju krynicu na druhim baku miažy». Pavodle jaho, biełaruski KDB natchniaje svaich ukrainskich kalehaŭ na padryŭ kampanii «Biełsatu».
Kampanija budzie doŭžycca da 31 śniežnia sioleta. Važnym aśpiektam kampanii jość toj fakt, što pamiž Biełaruśsiu i Ukrainaj isnuje biaźvizavy ruch, a tamu biełarusam značna tańniej i chutčej pajechać va Ukrainu, čymsia ŭ Polšču abo Litvu.
