Raźvitańnie ź viełahonščycaj Palinaj Žuk projdzie 25 maja ŭ Breście 1

U Breście 25 maja adbudziecca cyrymonija raźvitańnia ź viełahonščycaj Palinaj Žuk, jakaja pamierła ŭ vyniku atrymanaj traŭmy na spabornictvach u Tule.

Jak paviedamiŭ pieršy namieśnik načalnika ŭpraŭleńnia fizičnaj kultury, sportu i turyzmu Bresckaha abłvykankama Ivan Škutnik, płanujecca, što cieła spartsmienki budzie dastaŭlenaje aŭtatranspartam u Brest viečaram 24 maja.

25 maja z 9.00 da 12.00 u dziciača-junackaj spartyŭnaj škole № 2 pa viełasporcie adbudziecca hramadzianskaja panichida. Paśla hetaha Žuk budzie pachavanaja na mohiłkach «Płoska» ŭ abłasnym centry.

Palina Žuk vučyłasia na druhim kursie Biełaruskaha dziaržaŭnaha ŭniviersiteta fizičnaj kultury na dzionnaj formie navučańnia, majstar sportu, člen nacyjanalnaj zbornaj pa viełasporcie. 16 červienia joj by spoŭniŭsia 21 hod. Jana ŭnučka dvuch viełasipiedystaŭ. Dziadula Paliny Siarhiej Rabčuk — majstar sportu SSSR, zasłužany trenier Biełarusi, babula Maryja Hruzdava — majstar sportu SSSR pa viełasporcie.

U Breście žyvuć maci Paliny, jaje dziadula i babula.

Nahadajem, što 22 maja Žuk atrymała čerapna-mazhavuju traŭmu na mižnarodnych spabornictvach «Vialiki pryz Tuły». Spartsmienka ŭdaryłasia hałavoj ab bietonnaje pakryćcio treka. Paciarpiełuju dastavili ŭ miascovuju balnicu. Tam joj zrabili apieracyju, da jakoj byli pryciahnutyja śpiecyjalisty NDI chutkaj dapamohi imia Sklifasoŭskaha i vajennaha kliničnaha špitala imia Burdenki. Na nastupny dzień spartsmienka pamierła.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH