U Livii, u samym paŭdniovym horadzie krainy, niahledziačy na hramadzianskuju vajnu i razruchu, praciahvajuć žyć i pracavać lekary i miedsiostry ź Biełarusi.
U horadzie Hadamies znachodzicca kala 20 čałaviek, hałoŭnym čynam žančyny. Pra los hetych žančyn tołkam ničoha nie było b viadoma, kali b ich nie naviedaŭ ukrainski śviatar razam ź biełaruskim pasłom.
«Pieraadoleŭšy za dva dni, kala dvuch tysiač kiłamietraŭ uhłyb pustyni Sachara, naviedali z pasłom Biełarusi, Anatolem Alaksiejevičam Ściepusiem, samy paŭdniovy livijski horad - Hadamies. Dzie pracuje hrupa biełaruskich miedykaŭ», - napisaŭ protajarej Zachar Kiarściuk, supracoŭnik Adździeła zamiežnych carkoŭnych suviaziaŭ Ukrainskaj Pravasłaŭnaj Carkvy.
U toj ža čas u Livii ciapier sudziać hrupu hramadzian Ukrainy, Rasii i Biełarusi, jakich padazrajuć u tym, što jany vajavali ŭ armii Kadafi ŭ jakaści najmitaŭ. Im pahražaje śmiarotnaje pakarańnie.
