«Łukašenka budzie ŭsialak pieraškadžać realizacyi prajekta Mytny sajuz — Adzinaja ekanamičnaja prastora», — piša
«Niemahčyma stvaryć AEP Rasii, Kazachstana i Biełarusi z nastupnym palityčnym stvareńniem Jeŭrazijskaha sajuza, kali ŭ Biełarusi nie vykonvajucca asnoŭnyja ŭmovy dla stvareńnia AEP: svabodnaje pieramiaščeńnie tavaraŭ, pasłuh, pracoŭnaj siły i kapitału», — havorycca ŭ adkrytym liście.
Pavodle infarmacyi Usa, pradstaŭniki małoha i siaredniaha biźniesu Rasii pry adkryćci rachunkaŭ i firm u Biełarusi «adrazu traplajuć u pole zroku biełaruskich śpiecsłužb, jakija całkam upłyvajuć na ich biźnies».«Viadomyja vypadki poŭnaha spustašeńnia rasijskich firm u Biełarusi. Biełaruski sud, jak i śpiecsłužby, źjaŭlajecca ryčahom nacisku na biźnies. Sudovyja rašeńni vynosiacca pa zvanku z Administracyi prezidenta Biełarusi i śpiecsłužbaŭ režymu», — piša były kandydat u prezidenty.
Us adznačaje, što pry stvareńni Mytnaha sajuza i AEP Łukašenka hublaje palityčny i ekanamičny ŭpłyŭ u Biełarusi. «Režym Łukašenki nie budzie mieć mahčymaści pastaŭlać kantrabandnuju syravinu na terytoryju Mytnaha sajuza z dalejšaj apracoŭkaj i prodažam pradukcyi pa dempinhavych cenach na terytoryju Rasii, stracić manapoliju na tavary i pasłuhi na terytoryi Biełarusi, stracić kantrol za kantrabandaj padčas realizacyi naftapraduktaŭ u krainy ES. Heta pryviadzie da ekanamičnaha krachu režymu Łukašenki, tamu jon budzie ŭsialak pieraškadžać realizacyi prajekta Mytny sajuz — Adzinaja ekanamičnaja prastora», — abhruntoŭvaje svaju pazicyju aŭtar lista.
Pry hetym Us ličyć, što prostyja hramadzianie Biełarusi padtrymlivajuć Mytny sajuz, bo jon źjaŭlajecca «załoham roskvitu našaj krainy».
U kamientaryi BiełaPAN Dźmitryj Us zajaviŭ, što raźličvaje ŭbačyć u adkaz na svoj list «realnyja dziejańni». «Zaŭtra budzie sustreča, tak skažam, kiraŭnikoŭ dźviuch dziaržaŭ. Raźličvaju, što ŭbaču peŭnyja dziejańni», — skazaŭ jon.
Pucin naviedaje Biełaruś z aficyjnym vizitam 31 maja — 1 červienia.
Hety ŭžo druhi zvarot Usa da rasijskaha lidara.U pieršym liście, nakiravanym nieŭzabavie paśla prezidenckich vybaraŭ u Biełarusi 2010 hoda, jon prasiŭ Pucina akazać sadziejańnie ŭ vyzvaleńni biełaruskich palitźniavolenych i vykazvaŭ svajo mierkavańnie nakont situacyi ŭ Biełarusi.
