Biełaruś nie admoviłasia ad prodažu MTS 1

Zajaviŭ u Minsku 31 maja vice-premjer Anatol Kalinin.

«Pytańnie prodažu MTS pa-raniejšamu staić. My čakajem pakupnika i peŭnaj prapanovy ź jaho boku», — zajaviŭ Kalinin. Jon padkreśliŭ, što Biełaruś užo nazvała svaju canu, a pradavać MTS za paŭcany nie źbirajecca. «Budzie hodny pakupnik — sadzimsia za stoł pieramoŭ i prymajem rašeńnie», — kanstatavaŭ vice-premjer.

Jon adznačyŭ, što pakiet akcyj MTS moža być taksama realizavany i praz aŭkcyjon. «Ale kali budzie inviestar, jaki pahodzicca z našaj prapanovaj pa canie, to čamu b nie pravieści pramyja pieramovy», — skazaŭ Kalinin.

Nahadajem, pieršapačatkova aŭkcyjon pa prodažy MTS płanavaŭsia na 1 śniežnia 2011 hoda, zatym biez tłumačeńnia pryčyn byŭ pieraniesieny na 23 śniežnia, ale taksama nie adbyŭsia.

Na aŭkcyjon vystaŭlałasia 51-pracentnaja dola ŭ statutnym fondzie STAA «Mabilnyja TeleSistemy», što znachodzicca va ŭłasnaści Biełarusi i haspadarčym padparadkavańni RUP «Biełtelekam».

U sakaviku minułaha hoda Alaksandr Łukašenka zajaŭlaŭ, što

Biełaruś hatovaja ŭstupić rasijskamu apierataru «MTS» 51% u biełaruska-rasijskim SP za 1 młrd. dołaraŭ, u advarotnym vypadku pakiet budzie vystaŭleny na aŭkcyjon.

STAA «Mabilnyja TeleSistemy» zarehistravana 4 krasavika 2002 hoda. Zasnavalnikami źjaŭlajucca RUP «Biełtelekam» (51% statutnaha fondu) i rasijskaje AAT «Mabilnyja TeleSistemy» (49%). Kamiercyjnaja ekspłuatacyja sietki sotavaj suviazi standartu GSM 900/1800 pačałasia 27 červienia 2002 hoda, sietki 3G — u mai 2010 hoda.

0

0

0

0

0

0

Andrej Kažamiakin, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH