Azaranka pierastała być pieršaj rakietkaj śvietu 1

Paśla pieramohi Maryi Šarapavaj u paŭfinale Adkrytaha čempijanatu Francyi pa tenisie («Rałan Haros») nad češkaj Pietraj Kvitavaj (6:3, 6:3) jana stała pieršaj rakietkaj śvietu.

Aficyjna Šarapava stanie pieršaj rakietkaj u noč na paniadziełak, 11 červienia, kali abnovicca suśvietny rejtynh. Ale fakt užo ździejśnieny.

Biełaruska Viktoryja Azaranka ŭznačalvała rejtynh ad 30 studzienia

ŭ vyniku bliskučaj pieramohi na Adkrytym čempijanacie Aŭstralii (28.01.2012), dzie ŭ finale jana i pieramahła Šarapavu (6:3, 6:0).

Na «Rałan Haros» Azaranka prajhrała ŭ 1/8 finału, i ciapier jaje možna sustreć na minskich vulicach.

U stalicy Biełarusi Viktoryja budzie rychtavacca da Uimbłdonskaha turnira, što startuje 25 červienia.

A ŭ finale «Rałan Haros» nie čužaja biełarusam Maryja Šarapava zhulaje ź italjankaj Saraj Erani (21-y rejtynh).

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH