Viarchoŭny kamisar Jeŭrasajuza pa źniešniaj palitycy Ketryn Eštan i prem'jer-ministr Polščy Donald Tusk vystupili ŭ abaronu zatrymanaha 21 červienia ŭ Hrodnie biełaruskaha karespandenta «Hazety vybarčaj» Andreja Pačobuta.
Eštan, u pryvatnaści, zaklikała biełaruskija ŭłady spynić pieraśled aktyvistaŭ apazicyi i niezaležnyja ŚMI, paviedamlaje Polskaje radyjo. Jana zaznačyła, što heta nie pieršaje zatrymańnie žurnalista, abvinavačańni ž, vystaŭlenyja jamu, upisvajucca ŭ ahulnuju karcinu pieraśledu apazicyi i niezaležnych ŚMI ŭ Biełarusi. Eštan zaklikała Minsk spynić pieraśledy i dazvolić hramadzianam realizoŭvać prava na hramadskuju i žurnalisckuju dziejnaść.
Tusk zajaviŭ, što za spravaj Pačobuta sočać polskija dypłamatyčnyja słužby, i vykazaŭ škadavańnie, što Polšča čarhovy raz pavinna cisnuć na režym Łukašenki ŭ suviazi z zatrymańniem apazicyjanieraŭ. Premjer paviedamiŭ, što na apošniaj sustrečy Vyšahradskaj hrupy źviarnuŭsia pa padtrymku da kaleh z Čechii, Słavakii i Vienhryi i atrymaŭ «poŭnuju salidarnaść».
22 červienia Tusk abmierkavaŭ situacyju vakoł Pačobuta z kancleram Hiermanii Anhiełaj Mierkiel.Kiraŭnik polskaha kabinieta raźličvaje na efiektyŭnaść razmovy: raniej u padobnych vypadkach Biełaruś, pavodle jaho słoŭ, sastupała pad naciskam usiaho ES i jaho rezkaj krytyki.
Miž tym, jak paviedamlaje radyjo «Svaboda»,
Andrej Pačobut byŭ zatrymany viečaram 21 červienia ŭ siabie doma ŭ Hrodnie. U jaho kvatery praviali vobysk, paśla čaho Pačobuta pavieźli ŭ prakuraturu, a adtul dastavili ŭ śledčy izalatar. U dačynieńni da žurnalista raspačata sprava na padstavie č. 2 art. 367 KK (paklop na prezidenta, učynieny asobaj, raniej sudzimaj za paklop ci abrazu). Jamu pahražaje pakarańnie ŭ vyhladzie abmiežavańnia abo pazbaŭleńnia voli na termin da piaci hadoŭ.
