Biełaruś budzie pastaŭlać u Vieniesuełu budaŭničyja materyjały. Pra heta zajaviŭ ministr architektury i budaŭnictva Anatol Ničkasaŭ.
Raspracavany hrafik pastavak ź Biełarusi budaŭničych materyjałaŭ, u jakich Vieniesueła źviedvaje deficyt. «
my vyrašyli, što lepš nakiroŭvać z našaj krainy šerah deficytnych pazicyj — vokny, dźviery, roznyja mietaličnyja vyraby, adździełačnyja materyjały, —raskazaŭ Anatol Ničkasaŭ. — Z ulikam taho, što my pavinny budziem pabudavać u hetaj krainie 10 tys. kvater, pastaŭki budmateryjałaŭ vielmi važnyja. Nam ujaŭlajecca, što taki ekspart budzie vyhadnym».
Ministr taksama nahadaŭ, što biełaruskija śpiecyjalisty pabudavali ŭ Vieniesuele i zapuścili ŭ stroj zavod pa vypusku kieramičnych vyrabaŭ.
Mahutnaść hetaha pradpryjemstva raźličana na vytvorčaść 20 młn. štuk cehły ŭ hod.«Heta vielmi vialikaja mahutnaść navat pa jeŭrapiejskich maštabach, i vieniesuelski bok zacikaŭleny ŭ pašyreńni hetaha pradpryjemstva, — adznačyŭ Anatol Ničkasaŭ. — My damovilisia ab tym, što druhaja technałahičnaja linija budzie vyrablać čarhovuju pradukcyju z vykarystańniem miascovaj syraviny. Usie materyjały, jakija budziem vypuskać sumiesna, pojduć na budoŭli».
0
0
0
0
0
0
