U čarhovym liście ad lidera Maładoha Frontu raspaviadajecca pra novyja ŭmovy pracy Źmitra Daškieviča:
«Pryjazdžali dva škłoŭskija čekisty pa spravie Chviedaruka i Korbana, cikavilisia pra ich i Pałažanku... Pakazańni davać admoviŭsia, spasyłajučysia na toje, što jany mohuć nanieści škodu mnie j majoj siamji.
Paśla taho, jak u Necie źjavilisia artykuły pra toje, što mnie siadzicca tut dobra, pieraviali mianie ŭ inšy atrad i zahadali pastavić na samuju ciažkuju rabotu. Pracuju na piłaramie, z 8‑mi ranku da 18‑ci, šeść dzion na tydzień.
Asudžanych, jakija mnie dapamahajuć, pačali sadžać pa zahadzie načalstva ŭ izalatar. Užo try čałavieki siadzić, i, dumaju, na hetym nia spynicca. I samaje kiepskaje toje, što amnistyja im nia śviecić. Ujaŭlajecie sabie? — pahavaryŭ paru razočkaŭ z Daškievičam i siadzi lišni hod.
Taksama mianie ŭčora atestavali jak «złosnaha parušalnika režymu», kab admović u vyzvaleńni na ITR. Što i nia dziŭna. Ale ŭ adčaj nie ŭpadaju. Jość niejkaje ŭnutranaje pierakanańnie, što pabačymsia raniej, čym praz 360 dzion!»
