Častka žycharoŭ praciahvaje nasić paviazki na ściohnach — Biełaruś ustaluje dypadnosiny z Sałamonavymi Astravami 6

Alaksandr Łukašenka padpisaŭ ukaz ab ustanaŭleńni dypłamatyčnych adnosin pamiž Respublikaj Biełaruś i Sałamonavymi Astravami.

Sałamonavy Vyspy — dziaržava ŭ paŭdniova-zachodniaj častcy Cichaha akijana.

Raźmiaščajecca na 992 vyspach, ahulnaja płošča ŭsich vyspaŭ roŭnaja typovaj biełaruskaj vobłaści — 28 500 kv. km (142-ja terytoryja ŭ śviecie), nasielnictva 478 tys. čałaviek. Vyspy ŭvachodziać u skład Brytanskaj Sadružnaści, tamu viarchoŭny kiraŭnik — Karaleva Lizavieta II i imi kiruje hienierał-hubiernatar, ale kiruje krainaj prem'jer-ministr.

Stalica — Chaniara. Roznaść ź Biełaruśsiu ŭ času +9 hadzin.

Atrymlivajecca, što heta kraina adnoj ź pieršaj na Ziamli sustrakaje novy dzień.

Valuta — dalar Sałamonavych Vyspaŭ.

Vyspy pieravažna vułkaničnaha pachodžańnia; šmat dziejučych vułkanaŭ.

Klimat subekvataryjalny, vielmi vilhotny. Siarednija miesiačnyja tempieratury ad 26 da 28 ° C. Apadkaŭ ad 2300 da 7500 mm u hod. Žyviolny śviet: pacuki, kažany, krakadziły, jaščarki, źmiei, hihanckija žaby; ptuški — dzikija hałuby, papuhai i inš

Asnova ekanomiki krainy — sielskaja haspadarka, rybałoŭstva, lesanarychtoŭki.

VUP na dušu nasielnictva (u 2009 hodzie) — 2,5 tys. dał (177-je miesca ŭ śviecie), u Biełarusi — u piać razoŭ bolej.

Kultyvujucca kakava, kakosy, rys, bulba, harodnina, sadavina. Razvodzicca bydła

Kraina maje vialikija radoviščy śvincu, cynku, nikielu i zołata, a taksama baksitaŭ i fasfataŭ, ale jany nie raspracoŭvajucca.

U vioskach pieravažajuć damy tradycyjnaha typu: lohkija, prastakutnyja chaty na słupach ź plecienymi ścienami i dvuchschilnym dacham z palmavaha liścia. Adnak u bujnych nasielenych punktach niamała budynkaŭ na jeŭrapiejski manier.

U adziežy jeŭrapiejskija elemienty istotna paciaśnili tradycyju, ale častka miascovych žycharoŭ praciahvaje nasić paviazki na ściohnach i karotkija spadnicy.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH