Lider demakratyčnaj apazycyi Birmy, laŭreatka Nobeleŭskaj premii miru Aun San Su Čžy kirujecca siońnia ź vizytam u Złučanyja Štaty.
Heta jaje pieršaja pajezdka ŭ ZŠA za bolš čym 20 hadoŭ. Dva minułyja dziesiacihodździ — ŭ čas kiravańnia ŭ Birmie vajskoŭcaŭ — Su Čžy vialikuju častku času praviała pad chatnim aryštam i nie mahła pakidać krainu.
Upieršyniu paśla doŭhaha pierapynku jana vyjechała za miažu tolki ŭ hetym hodzie, paśla praviadzieńnia ŭ Birmie šerahu demakratyčnych reformaŭ, jakija dazvolili joj stać deputatam parlamentu.
Aun San Su Čžy praviadzie ŭ pajezdcy pa Złučanych Štatach try tydni. Zaplanavanaja jaje sustreča z prezydentam ZŠA Barakam Abamam. Joj taksama budzie ŭručanaja najvyšejšaja hramadzianskaja ŭznaharoda ZŠA — Załaty medal Kanhresu.
Naziralniki adznačajuć, što pajezdka Su Čžy supadzie pa časie ź pieršym vizytam u Złučanyja Štaty prezydenta Birmy Tejn Sejny, jaki prymie ŭdzieł u sesii Hieneralnaj asamblei AAN.