Nahadajem, likvidacyja kłasaŭ z pahłyblenym vyvučeńniem pradmietaŭ u biełaruskich škołach była praduhledžanaja dekretam prezidenta № 15 ad 17 lipienia 2008 hoda «Ab asablivych pytańniach ahulnaj siaredniaj adukacyi». Zamiest takich kłasaŭ u škołach uviedzieny fakultatyŭnyja zaniatki, zaklikanyja dać žadajučym mahčymaść vyvučać pradmiety školnaj prahramy na pavyšanym uzroŭni.
«Realnaja efiektyŭnaść fakultatyŭnych zaniatkaŭ nievysokaja», — zajaviŭ ministr adukacyi pa vynikach analizu pracy sistemy ahulnaj siaredniaj adukacyi.
Pavodle jaho słoŭ, zaraz Minadukacyi pracuje nad vyrašeńniem hetaj prablemy. «Moža, viarnucca da profilnaj sistemy navučańnia: raźmierkavać hetyja fakultatyŭnyja zaniatki ŭ adnoj škole na matematyku i fiziku, chimiju i bijałohiju, u inšaj — na humanitarnyja dyscypliny. Moža, jašče niejkim čynam», — skazaŭ Maskievič.
Jon zaznačyŭ, što rašeńnie ab viartańni da profilnaj adukacyi nieabchodna budzie prymać «na samym vysokim uzroŭni».Kali na praciahu hoda pa niejkich pryčynach jaje nie atrymajecca ŭvieści, to Minadukacyi maje mahčymaść zabiaśpiečyć prafilizacyju navučańnia ŭ starejšych kłasach u miežach dziejnaj narmatyŭnaj bazy: maksimalna adaptavać da jaje sistemu fakultatyvaŭ. «Ale ja spadziajusia, što hramadski rezanans budzie stanoŭčym i rašeńnie nakont hetaha budzie pryniataje ŭžo da nastupnaha navučalnaha hoda», — zajaviŭ Maskievič.
Pavodle jaho słoŭ, pierachod da profilnaj adukacyi ŭ starejšaj škole pavinien być ukaraniony pry ŭmovie, što ŭ10-11-ja kłasy z bazavaj škoły buduć pierachodzić tolki vučni z vysokaj paśpiachovaściu, jakija zdolnyja asvoić pahłyblenuju prahramu.
Dla zabieśpiačeńnia hetaha ministr prapanoŭvaje, kab ekzamieny za bazavuju škołu pravodzilisia niezaležnymi strukturami. Siońnia hetyja ispyty arhanizoŭvajucca samimi ŭstanovami ahulnaj siaredniaj adukacyi.
