Trejler špijonskaha bajevika pahladzieli tysiačy čałaviek, i bolšaść zrabiła vysnovu, što Kirył — sapraŭdny talent. Siońnia na sajcie maładoha režysiora film źjaviŭsia całkam.
Kiryłu Nonhu 22 hady. U filmie «Zdymać na paražeńnie» jon vystupaje ŭ jakaści režysiora, scenarysta, apieratara i pradziusiera ŭ adnoj asobie. Praca nad karcinaj zaniała krychu bolš za hod. Aktory — siabry i znajomyja — zdymalisia absalutna biaspłatna. Kančatkovy biudžet akazaŭsia na niekalki sotniaŭ dalaraŭ bolšym, čym raniej kazaŭ Kirył: nie 2500, a kala 2700 dalaraŭ. I ŭsio roŭna nie vierycca.
— Pahladzieŭšy trejler, mnohija sumniavalisia, što ŭ nas možna arandavać viertalot i ŭkłaścisia ŭ nievialiki biudžet…
— Nasamreč heta vielmi karotkaja scena: na viertalocie my lotali 15 chvilin, zapłacili na toj čas, kali nie pamylajusia, 1,2 młn rubloŭ, — kaža režysior. — Tak što ŭsio realna!
 |
Zakryty pakaz filma prajšoŭ na hetym tydni. Hledačam film spadabaŭsia, chiba tolki mnohija kazali, što 50 chvilin — zanadta mała.
 |
 |
 |
 |
— Paśla taho jak praca zavieršanaja, mnie treba adpačyć, — kaža pra płany na budučyniu Kirył. — Niejkich kankretnych prapanovaŭ ni ad koha nie pastupała. Sustreŭsia tolki z dyrektaram «Biełaruśfilma», pahavaryli… Kali varyjantaŭ nie źjavicca, znoŭ zajmusia prajektam «za ideju». Idej u mianie chapaje!
Film Kiryła Nonha «Zdymać na paražeńnie»:
Śnimať na poražienije (film) from Chris Nong on Vimeo.
