Zamiežnaja kampanija ličyć, što ŭ jaje niamała šancaŭ vyjhrać u manapolii pazoŭ ab karektavańni cen na haz i tym samym papravić svajo finansavaje stanovišča.
Vienski arbitraž nie padtrymaŭ pazovu «Hazprama» ab spahnańni z češskaj RWE Transgas avansavych płaciažoŭ za nieadabrany haz u ramkach kantraktaŭ «biary abo płaci», paviedamiŭ pradstaŭnik RWE Transgas. Suma pazovu składaje bolš za 500 młn dalaraŭ. RWE Transgas ličyła, što na padstavie dapaŭnieńnia № 1 da kantraktu na pastaŭku hazu ad 15 kastryčnika 1998 hoda jana maje prava na źnižeńnie svaich abaviazańniaŭ pa adbory. «Hazpram» nie pahadziŭsia i zapatrabavaŭ u vienskim arbitražy ad RWE Transgas avansavaj apłaty za nieadabranyja abjomy ŭ pieryjad z 2008 pa 2011 hod.
U «Hazpramie» hetuju infarmacyju kamientavać nie stali. U RWE Transgas rastłumačyli, što sud pryznaŭ za RWE Transgas prava ŭ ramkach kantraktnych abaviazańniaŭ na pastaŭku hazu z «Hazpram ekspartam» źmianšać adbor hazu ŭ abjomie najaŭnych abaviazańniaŭ «biary abo płaci». «My zadavolenyja rašeńniem suda. Heta dazvolić skaracić naš finansavy ciažar pa kantrakcie», — adznačyŭ pradstaŭnik kampanii. Cenavaja palityka «Hazprama», jakaja adroźnivajecca ad usich inšych asnoŭnych pastaŭščykoŭ hazu ŭ Jeŭropu i žorstka pryviazanaja da cany na naftu, nie była pradmietam razhladu, rastłumačyli ŭ kampanii. U ciapierašni čas u vienskim arbitražy razhladajecca jašče adna sprava RWE Transgas suprać «Hazprama», jakoje datyčyć formuły cany na rasijski haz.
U minułym hodzie padraździaleńnie RWE Supply&Trading, jakoje zajmajecca zakupami i pieraprodažam hazu, paniesła stratu ŭ 800 młn jeŭra ŭ paraŭnańni sa strataj u 21 młn jeŭra ŭ 2010 hodzie.Reč tym, što kampanija zakuplaje haz u «Hazprama» i Statoil pa cenach, što karelujuć z vysokimi cenami na naftu, a pradaje kančatkovym spažyŭcam našmat tańniej. U RWE Supply&Trading sa spasyłkaj na słovy hienieralnaha dyrektara RWE Pietera Teryuma paviedamili, što kampanija budzie prymać usie miery, nieabchodnyja dla karektavańnia cenaŭ, kab pryvieści ich da rynkavaha ŭzroŭniu ŭ 2013 hodzie, uklučajučy miery pa strukturnych rašeńniach. Heta dazvolić paźbiehnuć u budučyni razychodžańniaŭ pa pastaŭkach hazu i dasiahalnych rynkavych cenaŭ.
Ź lipieńskaha miemaranduma «Hazprama» vynikaje, što chołdynh viadzie kansultacyi pa pytańni pierahladu cenavych umovaŭ doŭhaterminovych hazavych kantraktaŭ jašče z šaściu kampanijami: Shell Energy Europe, Centrex, EGL, GasTerra, DONG i PGNiG. Pry hetym z RWE Transgas i PGNiG viaducca arbitražnyja razhlady. U kastryčniku Litva inicyjavała pazoŭ suprać «Hazprama», patrabujučy 1,5 młrd jeŭra za nibyta pierapłačany rasijski haz. Inšy pazoŭ — «Hazproma» suprać Ministerstva enierhietyki Litvy — razhladajecca ŭ stakholmskim arbitražy, u im vina za parušeńnie damovy ŭskładajecca na akcyjanieraŭ Lietuvos Dujos i jaje kiraŭnictva.
Vynik usich hetych spravaŭ pradbačyć składana, ličyć prezident kansałtynhavaj kampanii East European Gas Analysis Michaił Karčomkin.
Daradca kampanii «Jukaŭ i partniory» Usievaład Miler ździŭleny rašeńniem vienskaha suda. «Jak praviła, u takich damovach praduhledžany punkt, jaki abaviazvaje pakupnika nabyvać peŭny abjom hazu», — kaža jon. Juryst sumniajecca, što «Hazpram» budzie abskardžvać rašeńnie. «U 99% takich spravaŭ apielacyja nie padajecca», — adznačaje jon. U ciapierašni čas Jeŭrapiejskaja kamisija pravodzić rasśledavańnie ŭ dačynieńni da «Hazprama» pa padazreńni ŭ złoŭžyvańni panoŭnym stanoviščam u Centralnaj i Uschodniaj Jeŭropie.
RWE Transgas — asnoŭny partnior «Hazprama» ŭ Čechii. Kantrakty na pastaŭku rasijskaha hazu ŭ hetuju krainu i na transpartavańnie praź jaje z RWE Transgas byli zaklučanyja ŭ 1998 i 1999 hadach adpaviedna, a ŭ 2006 hodzie pradoŭžanyja da 2035 hoda. Dziejny kantrakt praduhledžvaje pastaŭku 9 młrd kub.m (uzrovień minimalnaha hadavoha kantraktnaha abjomu składaje 90%), abjom transpartavańnia — da 30,5 młrd kub.m u hod. U 2010 hodzie «Hazpram ekspart» pastaviŭ u Čechiju kala 9 młrd kub.m, u
