42-hadovy bortinžynier byŭ klučavym śviedkam pa spravie pra avijakatastrofu polskaha Tu-154 pad Smalenskam.
Śledstva miarkuje, što heta było samahubstva i pabočnyja asoby da śmierci Musia nie datyčnyja.
Padčas katastrofy prezidenckaha łajniera bortinžynier znachodziŭsia ŭ kabinie Jak-40, jaki pryziamliŭsia za hadzinu da trahiedyi ŭ aeraporcie Paŭnočny. Praz bartavuju radyjostancyju jon słuchaŭ pieramovy ekipaža fatalnaha rejsa sa smalenskim dyśpietčaram. U svaich pakazańniach Muś kazaŭ, što dziažurny dazvoliŭ prezidenckamu samalotu źnizicca da vyšyni ŭ 50 m, niahledziačy na husty tuman. Pavodle aficyjnaj viersii, dyśpietčar nie dazvalaŭ źmianšacca nižej za 100 m.
Nahadajem, samalot, u jakim lacieła amal usio kiraŭnictva Polščy, raźbiŭsia 10 krasavika 2010 hoda pry zachodzie na pasadku na aeradrom Paŭnočny ŭ Smalensku. Zahinuli ŭsie 96 čałaviek, u tym liku prezident Polščy Lech Kačyński.
Mižnarodny avijacyjny kamitet, rasśledavaŭšy katastrofu, nazvaŭ adkaznymi piłotaŭ. Taksama ekśpierty pryjšli da vysnovy, što na piłotaŭ prezidenckaha Tu-154 cisnuŭ hałoŭnakamandujučy Vajenna-pavietranymi siłami Polščy Andžej Błasik, u kryvi jakoha byŭ vyjaŭleny ałkahol. Polšča nieadnarazova vykazvała niazhodu z hetymi vysnovami.
