Stałaja ekspazycyja, pryśviečanaja stvaralniku esperanta Ludoviku Zamenhofu, u chutkim časie adčynicca ŭ Horadni. Planujecca, što na hetyja mety budzie vyłučany adzin z ofisaŭ u budynku, u jakim niekali žyŭ Zamenhof. Budynak pakul što ramantujecca. Uładalnikam źjaŭlajecca pradpryjemstva «Śvisłačrambud». Kiraŭnictva arhanizacyi paviedamiła, što budučaja ekspazycyja papoŭnicca za košt rečaŭ, jakija zachoŭvajucca ŭ pryvatnych kalekcyjach haradziencaŭ: «Apynułasia, što ŭ Horadni niamała prychilnikaŭ esperanta, jakija zachoŭvajuć artefakty, što majuć adnosiny da ŭniversalnaj movy i jaje aŭtara. Jany hatovyja padaravać hetyja siamiejnyja skarby muzeju».
Ludovik Łazar Zamenhof pracavaŭ u Horadni akulistam z kastryčnika 1893 pa śniežań 1897 hodu.