U bližejšyja troje sutak zachavajecca haračaje nadvorje, paviedamiła hałoŭny sinoptyk Respublikanskaha hidramieteacentra Volha Fiadotava. Pry hetym miescami, u asnoŭnym pa paŭnočna-zachodniaj pałavinie respubliki nie vyklučany navalničnyja karotkačasovyja daždžy. Tempieratura pavietra ŭ načny čas składzie ad 12 da 20 hradusaŭ ciapła, udzień budzie ad 27 da 34 hradusaŭ vyšej za nul.
U aŭtorak, 29 maja, daždžy achopiać značnuju častku terytoryi krainy. Adnak budzie pa-raniejšamu horača — da 30 hradusaŭ.
Tolki ŭ sieradu atmaśfiernyja franty, što pieramiaščajucca z Zachodniaj Jeŭropy, pryniasuć panižeńnie tempieratury da 18—24 hradusaŭ ciapła. Pry hetym u mnohich rajonach projduć daždžy, miescami mocnyja. Mahčyma i škvalistaje ŭzmacnieńnie vietru.
