Ź Biełarusi za subotu j niadzielu
Avijašoŭ
14 žniŭnia ŭ Baravusie pad Połackam, Rosi i Babrujsku adbylisia avijašoŭ na znak Dnia Vajenna-pavietranych sił 15 žniŭnia z pakazalnymi palotami našych bajavych MIHaŭ-29, Su-24 i Su-27, viertalotaŭ Mi-8, Mi-24.
Budziem kałhasy karmić
Urad daje ŭ žniŭni kałhasam 20 tys. ton dyzpaliva i 10 tys. ton benzynu dadatkova. Častku ich koštu, kala 1,1 tryljonu rubloŭ, apłocić Minfin. Druhuju častku zavody ŭ Mazyry i Navapołacku pavinny adpuścić biez papiaredniaj apłaty pad harantyju abłvykankamaŭ z pakryćciom koštu ŭ listapadzie. Ministerstva sielskaj haspadarki daje taksama 102 młrd. rubloŭ na pakryćcio kałhasnych kredytaŭ. Jašče 10 młrd. dajuć na budaŭnictva vystaŭki dla «sielskahaspadarčych žyvioł» u Mahiloŭskim rajonie, a 108 młrd. — na patreby kałhasaŭ Škłoŭščyny, 110 młrd. na ŭznaharody pieramožcam «respublikanskaha spabornictva pa ŭborcy ŭradžaju ziernievych i zierniebabovych», padličyŭ BiełaPAN. Adnoj rukoj kałhasy abdzirajuć, a druhoj — kormiać. I ŭsie sabie kažucca błahadziecielami.
Kino pra Małady Front
Režyserka Manueła Ropert ź niamieckaha kanału «ARD» hetymi dniami zdymaje film pra biełaruskuju moładź, jaki amal całkam budzie pryśviečany Maładomu Frontu.
Kožny druhi z mašynaj
Na 1000 haradziencaŭ prypadaje pa 163 pryvatnyja aŭtamabili. Značyć, kožnaja druhaja siamja maje mašynu. Za paŭhodu na Haradzienščynie skrali 137 mašynoŭ, 107 milicyja znajšła, a 30 pakul nie. Stolki sama krali j letaś — 274 za hod, padličyŭ BiełaPAN.
