BMA rychtuje da vydańnia
Biełaruskaja Muzyčnaja Alternatyva padzialiłasia planami na nastupny hod. U lutym BMA planuje vydać albom “Na Nieba” pieramožcy Rok-karanacyi-2000 u naminacyi “Adkryćcio hodu” — hurtu «Bieź Bileta». 13 lutaha ŭ klubie “Akvaryjum” adbudziecca prezentacyja albomu “MORE kachańnia”, prymierkavanaha da Dnia ŭsich zakachanych – jon budzie źmiaščać najlepšyja “pieśni pra kachańnie” NRM, «Bieź Bileta», «Kramy», «Novaha Nieba», «Nejradziubielu», Kriwi, «Pałacu», «Biełaha Snu» i Existu. I byccam by da kožnaj kasety budzie prykładzieny prezervatyŭ. Taksama ŭ lutym BMA planuje prezentavać pieršy numar “samaha česnaha biełaruskaha muzyčnaha časopisu” POST'R. Uviesnu ž pry ŭdziele BMA buduć vydadzienyja albomy Sieržuka Sokałava-Vojuša, Viktara Šałkieviča, kampakt-dysk “Lehiendy Vialikaha Kniastva” z muzykaj staražytnaj biełaruskaj dziaržavy i treci albom z seryi “Volnyja Tancy”.
Andruś Biełavoki
