Mierkavańnie eksperta
Anatol Hulajeŭ
vice-prezydent Biełaruskaj Asacyjacyi Žurnalistaŭ
Ź pieradvybarčaje aktyŭnaści minułaha tydnia zapomniłasia tolki pieradača “Padzieja” na BT ź Siarhiejem Navojevym, jaki liŭ brud na svabodnyja prafsajuzy, u pryvatnaści, na salihorski — novaja chvala kampramatu. Ale ŭ mianie takoje adčuvańnie, što ŭ nastupny tydzień-druhi zajaviać pra siabie novyja mocnyja kandydaty. Heta buduć ludzi z namenklatury – ci byłoj, ci siońniašniaj. Na maju dumku, mienavita jana adyhraje viadučuju rolu ŭ tym, jak składucca padziei. Toj-inšy pryhadvaje proźvišča rektara BDU Kazulina.
Da Domaša jość uvaha ŭ namenklaturnych kołach — jon pracavaŭ va ŭładnych strukturach, da jaho pryhladajucca, ale prablema ŭ tym, što jaho aktyŭna padtrymlivaje apazycyja, a, značycca, nie padtrymaje Rasieja, dla jakoj biełaruskaja apazycyja va ŭładzie — heta NATO pad Smalenskam. Što tyčycca prodažu bujnych biełaruskich pradpryjemstvaŭ, nakštałt “Biełšyny”, rasiejcam, prostaj suviazi z vybarami ja tut nia baču. Ekspansija rasiejskaha biznesu — abjektyŭny praces.
