Naviny
Amnistyja
2 tys. asudžanych vyjduć na volu dziakujučy novaj amnistyi. Jašče 5 tys. čałaviek vyzvalacca ciaham hodu, a 20 tysiačam budzie skaročany termin.
Hazapravod u abchod Biełarusi
Prezydenty Rasiei, Ukrainy i kancler Niamieččyny padpisali pahadnieńnie pra razbudovu hazapravodu z Rasiei ŭ Eŭropu praz Ukrainu. Prajekt pampavańnia hazu praź Biełaruś pachavany.
Hulni vakoł pryvatyzacyi
Namieśnik ministra ekanomiki A.Tur ahučyŭ novuju kancepcyju pryvatyzacyi pradpryjemstvaŭ naftachimii. Jaje ideja takaja: na hetym etapie kantrolnaha pakietu akcyj nie pradavać, a ŭvohule akcyi pradavać pa 10%. Hetaja zajava A.Tura vyklikała nieadkładnuju reakcyju rasiejskich aliharchaŭ. Kampanija “Itera” zajaviła pra skaračeńnie pastavak hazu ŭ Biełaruś napałovu, byccam by “z-za biełaruskaj zapazyčanaści 24 młn. dalaraŭ” — i heta praź dzień paśla doŭhaje sustrečy Łukašenki z Pucinym. A “Surhutnaftahaz” pahražaje ŭkłaści hrošy, jakija trymaŭ dla Biełarusi, va ŭkrainskuju pramysłovaść.
Mienharvykankam zachistaŭsia
Rabočyja, jakija pracujuć na rekanstrukcyi płoščy Niezaležnaści, dniami zaŭvažyli, što pad arkaj u budynku metrapalitenu vadoj razmyła hlebu da samaj platformy. Vada dajšła da padmurku susiedniaha budynku — Mienharvykankamu, i toj ciapier pad pahrozaj abvału.
Budynak upraŭleńnia metrapalitenu, jaki pabudavali ŭ 1984 h. pamiž Mienharvykankamam i korpusam BDU, staić na specyjalnych humovych paduškach. A voś kalony, jakija trymajuć arku, trymajucca na padmurku. Pad im vada razmyła hlebu až na 9 metraŭ. Platforma, na jakoj mieścicca hety budynak i budynak Mienharvykankamu, pačała apuskacca. Zroblena ŭžo niekalki dziasiatkaŭ śvidravinaŭ, kudy zalivajuć cement, kab zamacavać kanstrukcyju. Dy ci ŭratuje heta sytuacyju, bohviedama.
Zrešty, u Mienharvykankamie śćviardžajuć, što nijakaj niebiaśpieki dla budynkaŭ niama.
B.T.
