Adnaviła svaju dziejnaść redakcyja hazety «Navinki», jakaja atrymała była «hanarovyja» try papiaredžańni jašče ŭ časy Padhajnaha.
Ale j paśla skančeńnia paŭhadavoha terminu prypynieńnia vydavieckaj dziejnaści nivodnaja drukarnia nie advažyłasia drukavać hazetu. Vyjście znajšłosia: «Navinki» vyjšli ŭ časopisnym farmacie.
Hlancavaja papiera, kalarovaja vokładka, u dadatak — mini-CD ź videasiužetam i poster: «Ministry infarmacyi prychodziać i sychodziać, «Navinki» zastajucca!» Na prezentacyi redaktar časopisu Paŭluk Kanavalčyk davaŭ usim, chto nabyvaŭ numar, skrutak tualetnaj papiery ź lahatypam vydańnia. Maŭlaŭ, papiera ŭ «Navinak» zrabiłasia ćviordaja. Bolšaść staronak vydańnia zapaŭniaje piarestaja hazetnaja mituśnia. Vokładku ŭpryhožvaje «toj samy» persanaž, abraza jakoha kaštavała redaktaru sto minimałak.
U perspektyvie redakcyja, aproč vydańnia štomiesiačnaha «mahazynu «Navinki», maryć rabić videaprahramy i adnavić veb-staronku www. navinki.net, zarehistravać hramadzkuju arhanizacyju... Karaciej, usio ŭ prajektach.
