17 listapada filałahičny fakultet BDU adznačaje 65-hodździe.
Być filolaham u Biełarusi — amal toje samaje, što piratechnikam u Čačenii. Sapraŭdny filolah pryciahvaje ŭvahu z usich bakoŭ.
U vybuchovaj atmasfery biełaruskaje humanistyki, z dapamohaj eŭrapiejskaj metadalohii, filalahičnyja fakultety mahli b štohod hartavać dla krainy sotni specyjalistaŭ vysokaje proby, jakija b prafesijna pracavali nad stvareńniem pryvabnaha vobrazu sučasnaje Biełaruščyny. Tak, navat biez najnoŭšych metodyk navučańnia, u vyniku lohkaha asłableńnia idealahičnych abcuhoŭ u 60-ja źjaviłasia «filalahičnaje pakaleńnie» litarataraŭ. Jaho demakratyčny zapał pieradvyznačyŭ kirunak dalejšaha raźvićcia pryhožaha piśmienstva, a paźniej dapamoh krainie ŭtrymać niezaležnaść. A hłytka svabody, dadzienaha ŭ 90-ja, było dastatkova, kab fiłfak BDU dahetul zastavaŭsia ahmianiom biełaruskaje kultury i hadavalnikam paetaŭ i palitykaŭ.
Jakoj my pabačym Biełaruś praź dziesiać hadoŭ? Jakija knižki budziem čytać? Heta zaležyć i ad taho, što siońnia adbyvajecca ŭ ścienach fiłfaku BDU — hałoŭnaje kuźni «piratechnikaŭ». Tema numaru — Biełaruski Fiłfak.
