Pajšoŭ z žyćcia Čałaviek vialikaje dušy, Asoba, haspadar svajho słova, Mužčyna, jaki ścipła prymaŭ hanaravańni i hodna pieranosiŭ udary losu.
U 5 hadoŭ (naradziŭsia 15 śniežnia 1940 h. u Bychavie), jon zastaŭsia biez baćkoŭ, vychoŭvaŭsia ŭ Hrudzinaŭskim dzietdomie. Dalej — škoła, ramiesnaje vučylišča, praca mašynistam, vojska, vučoba na fiłfaku BDU. Usio svajo žyćcio jon addaŭ filalohii. Zvyš 300 navukovych prac, u tym liku bolš za 30 knih — spadčyna vialikaha vučonaha, doktara filalahičnych navuk, prafesara, laŭreata Dziaržaŭnaj premii. Branisłaŭ Płotnikaŭ byŭ sapraŭdnym intelihientam. Jon byŭ talenavity va ŭsim: pieśnia biełaruskaja, pieśni słavianskich narodaŭ u jaho vykanańni ŭpryhožvali lubuju viečarynu. Jaho žart, daścipnaje słova, tost harmanična dapaŭniali vastryniu navukovaha dośviedu. Asobnaja staronka bijahrafii Branisłava Alaksandraviča — jaho praca na pasadzie dekana filalahičnaha fakultetu BDU.
Śpi spakojna, naš darahi kaleha, nastaŭnik, druža!
Uładzimier Karotki
Redakcyja «NN» vykazvaje spačuvańni blizkim Branisłava Płotnikava. My budziem pamiatać jaho jak navukoŭca, jaki ŭ 1998 hodzie abaraniaŭ prava «Našaj Nivy» vydavacca klasyčnym pravapisam.
